*ehsas moghko lota do*

*Masoom Muskaan* · Feb 14th, 2009, 10:26 am

(ChaaNd)

Ehsaas Mujh Ko LauTa do

Yaad k GulistaaN meiN ...Dhoop Jo sunehri hey
uss ko kaesay rokoN mein
Saaz ka wo ek lamha jo
ChaaNd ban k utra thaa
Meray dil k aaNgan meiN ..soaz ban k chaaya hey
har Aks sayaa hey
Khayaabaan-e uljhan meiN , DhuNdh heiN sabhi sapnay
Sapnay hein adhoora- pan
Saarey Sapnay Tum le Lo
Raakh hoti ulfat ko janooN ki manzalein de do
mehak tou nahi baaqi ....Rang baqi rehnay do !
Aarzoo tu rehnay do..
Hasrat-e Gul ko mein kaesay kaesay giNwaaOun
Aasmaan-e Hasti pe jo chaaNd ka thikana thaa
wo hee bass apna thaa
Aaj waapis LauTa do..............
ChaaNd Taarey Sab ley Lo
Khawab saaray ley Lo
Phool saray tum ley lo
Khaar Mujh Ko Loataa Do
ChaaNd tha deewana pan..,,
Deewangii mujhey de do ...ChaaNd chahay tum rakh lo
Jheel meiN larzta, Aks-e Meh...Mujhay dey do ....
ChaaNd ki judaai meiN be-bassi ki jo taRpan hey
Meray pass rehnay do
Be-bassi ko apnii....ruswaaii nahi DooN gee
lab apnay si looN gee
Yaad k GulistaaN ki Dhoop Jo Sunaheri hey
Jalti AankhouN k Dukh...... uss mein saaray ji luuN gii !
Judaaii ka dard ab , ruuh ko nahiN duuN gi
Saaray Dard ji LuuN gii
Dard saaray sehnay ki ..Hiss mujh ko LauTa do...
Ehsaas Mujh Ko LauTa do..................!!

AQ · Feb 17th, 2009, 06:15 am

Moshkel words

*Masoom Muskaan* · Feb 17th, 2009, 06:50 pm

List them

GuL-e-Tasbeeh · Feb 17th, 2009, 08:52 pm

Was ist daß?
Muskaan

*Masoom Muskaan* · Feb 18th, 2009, 11:40 am

wo nah me ne nah

maro maro or maro me u ke chotee c peyare c masoom c sis hon