AQ

I wrote this poem on May 26th, 2007 on my birthday... thought to share it here....

No new poem this year yet.... oh well!

---------------------------

Uss raat aasmaaN par
ajab ik ghubaar thaa

badlee kee oTT maiN
chaaNd tanhaa, udaas thaa

taaroN kaY aas paas bhee
andheroN kaa raaj thaa

kuch aataa naheeN yeh yaad
kiss kaa intezaar thaa

aaNkhoN maiN tertaY huaY
unn aaNsu'oN kaY paar
AaNchaL kee sursaraahuT thee,
woh chehra Gulaab thaa

maiN beetaY huaY zamaanaY kaY
maah-o-saal maiN
yaadoN maiN gharQ thaa,
LaRakpann sawaaL thaa

KamraY maiN jaltaY huaY
woh barqi qumqumaY
pehni thee sub naY kuch
woh rang barang see TopiyaaN
ghubaaraY uRR rahai thaY
dar-O-deewaar bhee sajjaY thaY

maiN bhaagaa phir rahaa thaa
Sherwaani, zeb-e-ta'n kiyaY

har dil masroor aur
chehraa gulnaar thaa
chimTaa huaa MaaN saY,
maiN bahut bayqaraar thaa

phir yooN huaa kaY
kitaab kaa safha palaT gayaa

sub kho gayaa aisaY
goyaa kaY ik khwaab thaa

naa kamraa rahaa woh
naa barqi woh qumqumaY

ghubaaraY bhee uRR gaye
woh bachaY bhee kho gaye

sannaaTay chaa gaye
dar-o-deewaar reh gaye

bargad kee chaahoo'N kee
buss yaadaiN hee reh gayeeN
woh shaamaiN zindagi kee
meraY paas reh gayeeN

Yehi sochtaa huaa uss raat maiN
saaye maiN ChaaNd kaY so gayaa

taaroN kee anjuman rahi udaas raat bhar
Murgh-e-chaman bhee kuch khaamosh reh gayaa

aaNkhoN maiN tertaY huaY kuch khwaab thaY
Akhtar-e-Seh'r kee aamad kaY aasaar thaY

Ru'-e-Ufuq par shafaq phelti gayee
meraY saamnaY laikin kuch paristaan thaY

raat kaY ba'ad woh
ik ajab din thaa
parindoN kee chehchaahuT maiN
maazi kaa dhaNg thaa

maiN leTaa huaa thaa
aaNkhaiN buss ban'd kiye huaY
qumqumaY jal rahai thaY
kamraY maiN har taraf
bachaY khel rahai thaY
ghubaaroN kaY darmiyaaN

mehsoos huaa thaa lams mujhaY
kissi kaY haath kaa
phir jaisaY kissi naY piyaar saY
baaNhoN maiN bhar liyaa

Bosaa diyaa jabeeN par aur kahaa:
"saalgirah mubaarak ho! yeh din aa gayaa"

yeh kahaa aur aaNkhaiN chalak gayeeN
maiN taRap gayaa aur maaN saY lipaT gayaa

duniyaa ko maiN naY, yooN lagaa
baaNhoN maiN bhar liyaa

Sooraj tulu huaa tau
shabnam thee phool par
Qaus-O-Qaza'h maiN bhee
mohabbat kaa runG thaa
aaj meraa janam din thaa!

Amabel

Nice poem. really
and I can understand it - no difficult stuff


tu qaus-o-qazah aur shabnam etc aap ki BD ki waja sey tha. wawh kia baat hai khush-fehmi ki
Happy Birthday...

Khaamoshii~

Wah bohat khubsurat nazm hai AQ
iss nazm main jo aap nay feelings biyaaN ki haiN, mujhay feel hoi hain, aur sacchi main, meray aankhoN main aansoo aagaye hain

Thanks AQ itni achi nazm share karnay kay liyah
aap ko bohat bohat salgirah mubarak ho

ASA

its like deer aala