http://www.pakfuse.com/pf/blogs/gul-e-tasbeeh/ The ultimate Pakistani Bulletin board and portal en Fri, 10 Feb 2012 13:00:43 GMT vBulletin 60 http://www.pakfuse.com/pf/images/misc/rss.jpg http://www.pakfuse.com/pf/blogs/gul-e-tasbeeh/ http://www.pakfuse.com/pf/blogs/gul-e-tasbeeh/146-aik-hiss-larki.html Thu, 16 Jul 2009 08:07:34 GMT *Aik be-hiss laRki* ussey kuch log kahtey heiN buhat be-hiss si laRki hey Sadaa khaamosh rehti hey buhat kam muskraati hey nammi aankhoN meiN... Aik be-hiss laRki

ussey kuch log kahtey heiN
buhat be-hiss si laRki hey
Sadaa khaamosh rehti hey
buhat kam muskraati hey
nammi aankhoN meiN rehti hey
buhat sochoN meiN rehti hey
bassi aankhoN meiN weeraani
chhupii chehrey pe hairaani
agar koi jo kuch poochhey
jawaabi baat kah kar....phir
yuNhi khaamosh rehti hey
baRi be-hiss sii laRki hey
khud hi meiN gumm rehti hey
ye kuch maGhroor laRki hey...

ye baateiN sunn k uss laRki ko
phir kuch yaad aata hey......
kabhi ye log kahtey they
baRi chanchal si laRki hey
humesha muskraati hey
aur aksar gungunaati hey...
chamktaa Chaand saa Chehra
khanakta shokh saa lehjaa
diye jaltey heiN aankhoN meiN
baRi shoKhi hey baatoN meiN
faZaaeiN dekh kar issko
khushi sey jhoom jaati heiN
chamakti raat uss k nain meiN
sapney jagaati heiN......
tamaazat dhoop ki chehrey pe uss k
Gul khilaai hey.....
kabhi baarish k mosam meiN
suhaaney khail kishti k
kabhi guRyoN ki shaadi ho
kabhi geetoN ki baazi ho
ye har dam paish rehti hey
baRi alhaR si laRki hey
ye kitni shokH laRki hey

magar ab log kahtey heiN
ajab be-hiss si laRki hey
buhat kam muskaraati hey
sadaa khaamosh rehti hey
unheiN maloom kaesey ho
wafaa k qaid-khaaney meiN
Faraaiz k nibhaaney meiN
jo laRki daar chaRhti hey
jissey sapnoN k bunney ki
sazaaeiN waqt ney dii hoN
jo rasmoN aur rawaajoN k
alaao meiN sulaGti ho...
laboN ki nok par jiss k
giley be-jaan hotey hoN
jism ki qaid meiN.....
jab ruuh aksar phaRphaRaati ho
tou ik kamzor sii laRki....
yuNhi be-mout marti hey
tou phir yuN log kahtey heiN...
buhat sanjeedgi ORhey..
ajab be-hss si laRki hey
buhat kam muskaraati hey....
Sadaa khaamosh rehti hey.... ]]> GuL-e-Tasbeeh http://www.pakfuse.com/pf/blogs/gul-e-tasbeeh/146-aik-hiss-larki.html