zindagi aik virtual reality ki manend hay ..... buss yahi haqeeqat baqi sub fasane hain ....

bhag dooR, kaam, log, dhair saray log pal main hain bhi .... or nahi bhi..

preshaaN log, UjaR haal, khali haat - nange paoN or naseeb ki lakeeron ki tarah uljhe howe log.
khushaal, amir taqt'war oor akhteyaar ke nashe main choor log.... sub hi hain -
oss waqt tak hain jab tak hum hein yani jab tak hamara shaoor is virtual ko reality bana kar paysh karta rahay ga......

zindagi aik virtual reality ki manend hay ..... buss yahi haqeeqat baqi sub fasane hain ....

bhag dooR, kaam, log, dhair saray log pal main hain bhi .... or nahi bhi..

preshaaN log, UjaR haal, khali haat - nange paoN or naseeb ki lakeeron ki tarah uljhe howe log.
khushaal, amir taqt'war oor akhteyaar ke nashe main choor log.... sub hi hain -
oss waqt tak hain jab tak hum hein yani jab tak hamara shaoor is virtual ko reality bana kar paysh karta rahay ga......

Jab aap bore ho rahay hote hain to yaqeenan akyle nahi hote honge ...yani ......

aik aap howe ...
dosra, aap ka bore hona howa...

donu ka waqt acha cut jata hoga ... agar aisa ho keh aap kahein uT kar chalay jain.... to bore hona to peeche reh jay ga na....

buss jane ki hi to bat hay ... kahein bhi ... chalay jain ... mou uTha kar .... oor maze ki bat yeh hay ke ....... baghair soche bhi aisa kiya ja sakta hay...

yani zoor kiss par howa?...

Sarma ki aik raat, chand khulay asmaan par apne haale main lepTa howa wafa'on ki roshi bekhair raha tha .......

....... Chand ki khamosh nazron ne, mohabat bharay dilon main talatum barppa kar diya tha ....oor sard intezaar alooda kirnain zehin ke dareechon par dastak de kar soey howe neem jaaN armaa'noN ko jaga rehien thein ...

be-khwaab aankhon main khwab jhank'ne lage the .. door se aati howi halki hawa kisi kali ka jigar cheer kar khushbu ki soghat luTa rahi thi ..............

Lamhay! kuch lamhay aise bhi hote hain, khenay ko jo palak jhapake main gozar jate hain ....... gozarte howe, jany aanjane main aisa bhi hota hay, keh Naqsh in lamhon ka, wajood ki gihraion main uthar kar, zaat ka hissa ban jate hain.

yeh farq karna mushkil hay keh sazawar hum hain - inko naqsh banne diya ya yeh lamhon ki marzi hoti hay keh jab chahiay apna jadu jagain.

aik bat tay hay ... wajood ki girhrayon main uther kar yeh naqsh o nigar daikhna, janna, samajhna oor...